Hoteli ya kifahari yashambuliwa Nairobi

Shambulio la Hoteli ya DusitD2 Nairobi Kenya

Polisi wanaendelea na operesheni ya kukabiliana na watu wenye silaha walioshambulia majengo ya 14 Riverside katika mtaa wa Westland, Nairobi kunakopatikana hoteli ya DusitD2.

 Al-Shabab wadai kuwaua wengi Riverside 

Kundi la wanamgambo wa Kiislamu la al-Shabab, ambalo awali lilidai kuhusika katika shambulio la Riverside, Nairobi limetoa idadi ya watua ambao linadai wameuawa.

Ujumbe kwenye mtandao unaoaunga mkono kundi hilo wa Somali Memo unadai idadi ya waliofariki ni 47.Hata hivyo, hakuna ushahidi wowote uliotolewa kuthibitisha hilo.

Polisi bado hawajatoa taarifa yoyote kuhusu majeruhi au waliofariki.

Waziri wa Usalama Dkt Fred Matiang'i ameeleza tu kwamba Wakenya wengi na watu wa mataifa ya nje wameokolewa kutoka kwenye jengo hilo, na kwamba majengo yote yamedhibitiwa.